Nærnett
Vi kommer tilbake i høst!
reporter.flv
- På tide med litt fargar
Torsdag opna Hilde Øvrebotten dørene til den nyaste butikken på Amfi Ørsta. Etter fem år som butikksjef hos Best Fashion, bestemte Øvrebotten seg for å satse på noko nytt.
Endeleg åpningstid: Hilde Øvrebotten har sett fram til å åpne den nye butikken. Her saman med ekstrahjelp, Lene Slettebakk (t.h).
- Eg har vore spent på opningsdagen i lang tid no, seier Øvrebotten.
Ho har vore nysgjerrig på korleis bygdefolket ville ta imot butikken, og har lurt på kva folk vil ha.
- Då eg arbeidde hos Best Fashion var det svært mange som spurte etter fleire fargar på klea. Uno er kjent for å satse på fargar i alle nyansar, og derfor trur eg butikken kan vekke oppsikt hos folk.
Fyller opp senteret
Merket er opphavleg dansk, men kjeda har også butikkar i andre land. Uno i Ørsta vil bli nummer tolv i Noreg. Senterleiar på Amfi, Peder Lid, fortel at butikken representerar noko nytt på senteret.
- Hilde meldte si interesse for eit av lokala som stod ledig, og eg såg på den nye butikken som ein god idé. Vi har ikkje noko som liknar her på huset, seier Lid.
Han kan fortelje at alle dei tome lokala mest truleg bli fylt opp i løpet av hausten. I tillegg vil den nye delen av kjøpesenteret bli tatt i bruk.
- Det blir ein ny epoke for senteret vårt. Som kjent kjem blant andre Clas Ohlson, Kid og Bunnpris, seier Lid.
Han har også fleire butikkar i ermet, men desse namna er foreløpig ikkje offisielle.
Kjekt med eigen butikk
Den nye butikksjefen på Uno ser fram til å kome skikkeleg i gang med den nyopna butikken. Sjølv har ho stor sans for fargerike plagg, og ho håpar at Uno vil få positive tilbakemeldingar frå Ørstingane.
- Eg har alltid besøkt Uno dei gongane eg har vore i Bergen, og det er litt stas å no ha sin eigen butikk. Eg gler meg til å sjå utviklinga framover, fortel Øvrebotten.
Stort oppmøte: Mange Ørstingar hadde teke turen til Uno på opningsdagen.
Varm velkomst: Senterleiar, Peder Lid, fortel at Uno er ein av fleire spennande butikkar som kjem til hausten.
