Nærnett
Vi kommer tilbake i høst!
reporter.flv
- Det blir for dyrt å få det til å sjå bra ut
Russejentene frå Volda vidaregåande har investert pengane i sikkert køyretøy framfor interiør og stereoanlegg.
- Den skal heite «Jalla-Tralla. Uten balla». Det er berre jenter på bilen, så vi fann ut at det var eit passande namn, fortel Malene Vatnehol.
Marte Vatnehol trur det hadde blitt vanskeleg å få til russebil utan hjelp frå pappa Egil og andre fedrer og onklar.
Saman med sju andre russejenter har ho betalt 50.000 for ein Chevy Van som er over ti år eldre enn dei sjølve.
Ingen av jentene kan noko som helst om bil.
- Vi har ikkje peiling på kva som er under panseret, seier Malene og ler.
Derfor valde jentene å kjøpe bilen hos ein bilforhandlar. Det mekaniske tek fedrer og onklar seg av.
- Eg har fått beskjed om å fikse seta, seier pappa Egil Vatnehol som òg var med på å finne fram til bilen dei har kjøpt.
Fokus på sikkerheit
Jentene trur dei er dei einaste blant russen i Volda som har ein bil som aldri har vore russebil før.
- Vi har fokusert på å ha ein trygg bil. Vi ville vite at det ikkje er noko gale med motoren og derfor føltest det mykje tryggare å kjøpe den hos ein forhandlar, seier Malene.
Før har bilen blitt brukt som campingbil. Kjøkkenet og senga er fjerna, men markisa er blitt igjen. Den blir perfekt å ha om det regnar i russetida.
Før har bilen blitt brukt som heimesnekra campingbil. No er senga og minikjøkkenet fjerna. Jentene har lakkert den ildraud. Inn skal seter, nytt golv og knallraud velour skal stiftast på tak og veggar.
For dei åtte jentene er det ikkje så nøye korleis bilen blir sjåande ut inni, så lenge festane der blir bra.
Dørmatter som samlar opp skitt og vatn har jentene fått av eit vaskebyrå. Det rullast over det flekkete, blå golvet. Det nye teppet tryller ikkje akkurat vekk bilens fortid.
- Det er jo jalla tralla då, seier ei og ler.
- Det er i alle fall betre enn før. Det blir for dyrt å få det til å sjå bra ut, seier Pia Bjørneset.
For jentene er atmosfæren det viktigaste. Ho som har russenavnet Lille Promille kan stadfeste at bilen skal bli sentrum for mange gode minner.
- Festane er høgdepunktet i russetida, seier Malene.
Men sjølv om det kjem til å bli mykje alkohol inne i bildet, har jentene tenkt på sikkerheita også der.
Malene Vatnehol gler seg til å prøve russebilen i mai.
- Vi har ei kontrakt som alle har skrive under. Der står det blant anna at alle har kvar sine dagar til å skaffe sjåfør, elles må ein køyre sjølv, seier Malene.
Snart køyreklar
Når også stereoanlegget kjem på plass, CD-ane er brent fulle av musikk og navna til alle jentene er trykt på bilen skal alt ligge til rette for 17 dagar med fest og moro.
Men før russesleppet 30. april gjenstår det også å få kontroll bak rattet.
- Det er berre ei av oss som har prøvd å køyre den. Vi skulle køyre litt i stad og då berre rykte bilen framover. Alle satt som spørsmålsteikn. Det er uvant med automatgir, seier Malene og ler.
For dei åtte jentene som studerer medie og kommunikasjon ved Volda vidaregåande er det ikkje noko skam å innrømme at dei ikkje kan så mykje om bil.
- Uten fedrene våre hadde det nok ikkje blitt russebil. Då måtte det blitt russesyklar på oss, seier Malene.
